بەڕێوەبەرایەتیی گشتیی تەندروستيی هەولێر هاوڵاتییان ئاگادار دەكاتەوە كە بەرزبوونەوەی پلەكانی گەرما كاریگەریی لەسەر هاوڵاتییان دەبێت و داوادەكات ئەگەر زۆر پێویست نەبێت لە ماڵەوە دەرنەچن.
بەپێی راگەیەندراوێكی بەڕێوەبەرایەتیی گشتیی تەندروستیی هەولێر كە وێنەیەكی دەست تۆڕی میدیایی ئێستا كەوتووە و تێیدا هاتووە، بەرزبوونەوەی پلەكانی گەرما كە چاوەڕواندەكرێت بگاتە 50 پلەی سیلیزی و زیاتر بێت كاریگەرییەكانی لەسەر تەندروستیی هاوڵاتییان دەبێت كە گرنگترینیان ماندووێتی و لە هۆشخۆچوون بە گەرما بەتایبەتی لەنێو منداڵان و بەساڵاچووان و ئەو كەسانەی نەخۆشیی ڕەبوو و گرفتی هەناسەدانیان هەیە.
هەر لە راگەیەندراوەكەدا هاتووە، هاوڵاتییانی خۆشەویست ئاگاداردەكەینەوە تكایە پەیڕەوی ئەم ڕێنماییانەی خوارەوە بن:
• لە ماڵ دەرنەچن و بە تایبەتی بەر تیشكی خۆر یان كەشوهەوای گەرم بە لە گەرمترین كاتەكاندا كە لە نێوان كاتژمێر 10 ی بەیانی تا 5 ی ئێوارەیە، مەگەر زۆر پێویست بێت.
• ئەگەر پێویست بوو لە گەرمترین كاتەكاندا بچیتە دەرەوەی ماڵ یان دامەزراوەكە، پێویستە جل و بەرگی سووك و ڕەنگ سووك لەبەربكەیت و كڵاوێكی لێواری پان لەسەر بكەیت یاخود چەتری خۆر لەگەڵ خۆتدا هەڵبگریت و چاویلكەی خۆر بەكاربهێنێت
• دووربكەرەوە لە پیاسەكردن لەبەر تیشكی راستەوخۆی خۆر.
• لە ژێر تیشكی راستەوخۆی خۆردا مەلە مەكە بە تایبەت لە رووبار و وەرزش لەبەردەم تیشكی خۆردا مەكە.
• خواردنەوەی ئاو و شلەمەنیەكان بە ڕێژەیەكی زۆر، بەلایەنی كەمەوە 3 لیتر لە رۆژێكدا لە هەمانكاتدا خواردنی سەوزە و میوە بۆ پاراستن و شێداركردنی لەش.
• ئەگەر تووشی نەخۆشییەكی درێژخایەن بوویت، پێویستە لەگەڵ پزیشكی پسپۆڕدا پێداچوونەوە بە دەرمانەكانتدا بكەیت.
• لە شوێنی فێنك پشوو بدە كاتێك هەست بە نیشانەكانی فشاری گەرمی دەكەیت، وەك سەرسووڕە و سكچوون و سەرئێشەی توند و دوودڵ مەبە لە داوای ڕاوێژكاری تەندروستی.
