بەڕێوەبەرایەتیی گشتیی تەندروستیی کۆیە رایگەیاند، لە چوار رۆژی جەژنی قورباندا هەشت کوڕ و شەش کچ لەدایکبوون.
لە راگەیەندراوێکدا بەڕێوەبەرایەتیی گشتیی تەندروستیی کۆیە ئاماژەی بەوە کرد. ”لە چوار رۆژی جەژنی قورباندا 14 منداڵ لە سنووری قەزای کۆیە لە بەشی ژنان و لەدایکبوونی نەخۆشخانەی فێرکاری شەهید د.خالید لەدایکبوون”.
دەشڵێت، ”لەو ژمارەیەش هەشت منداڵیان کوڕن و شەش منداڵەکەی دیکەشی کچن، هاوکات 5 منداڵ بەنەشتەرگەری و 9 منداڵ بەشێوەی سروشتی لەدایکبوون و 22 نەخۆشیش سەردانی بەشی ژنان و لەدایکبوونیان کردوە و چارەسەری پێویستیان بۆکراوە”.
