وەزارەتی كارەبای هەرێم رایدەگەیەنێت، لە مانگی رەمەزاندا 18بۆ 19 كاتژمێر كارەبا بە هاوڵاتییان دەدەین.
بەپێی راگەیەندراوێكی وەزارەتی كارەبای هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، بەبۆنەی هاتنەوەی مانگی پیرۆزی رەمەزانەوە، پیرۆزبایی لە سەرجەم موسڵمانانی كوردستان دەكەین و ئومێدەوارین ئەم مانگە پیرۆزە ببێتە خێر و بەرەكەت.
لە راگەیەندراوەكەدا هاتووە، “هەر بەم بۆنەیەوە وتەبێژی وەزارەتی كارەبا رایگەیاند، بە پشتبەستن بە بەرهەمهێنانی 4000 مێگاوات كارەبا هەوڵی تەواو دەدەین لەم مانگە پیرۆزەدا بە تێكڕا 18- 19 كاتژمێر كارەبا بە هاوڵاتییان بدەین و 24 كاتژمێر فەرمانبەرانی ئێشكگری كارەبا لەخزمەتی هاوڵاتییاندا دەبن.
