سبەی 20ی حوزەیران، وەرزی هاوینی ساڵی 2024 دەستپێدەکات، پلەی گەرمی لە عێراق بەشێوەیەکی بەرچاو بەرزبووەتەوە، بە جۆرێک لە چەند پارێزگایەک 50 پلەی سیلیزی تێپەڕکردووە، وەزارەتی تەندروستیی عێراقیش رێنمایی بڵاوکردەوە.
سەیف بەدر، وتەبێژی وەزارەتی تەندروستیی عێراق رایگەیاند، راسپاردەکانی وەزارەت سەبارەت بە بەرزبوونەوەی پلەی گەرمی بریتییە لە دوورکەوتنەوە لە بەرکەوتنی راستەوخۆ بە تیشکی خۆر بەتایبەت لە نیوەڕواندا و بۆ منداڵان و بەساڵاچووان و ئەوانەی بەدەست هەندێک نەخۆشیەوە دەناڵێنن.
وتەبێژی وەزارەتی تەندروستیی عێراق دەشڵێت، “پۆشینی جلوبەرگی گونجاو و رەنگی گونجاو و کڵاو و چاویلکەی خۆر و خواردنەوەی بڕێکی پێویست ئاو، ئەو هەنگاوە سەرەکییانەن کە دەبێت بگیرێنەبەر”.
ی کرد و ئاماژەی بەوەدا کە “ئەوانەی نەخۆشی درێژخایەنیان هەیە، بەساڵاچووان و ئەوانەی نەخۆشی دڵیان هەیە وەک بەرزی پەستانی خوێن، نەخۆشی شەکرە، و ئەوانی دیکەش دەبێت پابەندبن بەمەوە”.
هۆشداریشدەدات، لە ئەگەری وشکبوونەوەی جەستە، کەمبوونەوەی سەرنجدان، ئارەقکردنەوە و حاڵەتەکانی دیکە، پێویستە دەستبەجێ بچیتە شوێنێک سێبەر بێت و بڕێکی باش ئاو بخۆیتەوە.
ئاماژەی بەوەشکردووە، یەکەکانی فریاگوزاری بە درێژایی کاتژمێرەکان کاردەکەن بۆ پێشوازی هەر حاڵەتێکی نەخوازراو.
