ئەندامێكی ئەنجومەنی نوێنەرانی عێراق رایدەگەیەنێت، حاجییانی پارێزگاكانی سلێمانی و هەولێر دەتوانن لە وەرگرتنی دۆلار بە نرخی رەسمیی بانكی ناوەندیی عێراق لە لقەكانی بانكی تی بی ئای لە سلێمانی و هەولێر سوودمەندببن.
دارا سێكانیانی ئەندامی ئەنجومەنی نوێنەرانی عێراق رایگەیاند، ئاماژە بە نووسراوی بانكی ناوەندیی عێراق كە لە 22 و 23ی ئەم مانگە ئاراستەی بانكە ناوەندییەكان كراوە حاجییانی پارێزگاكانی سلێمانی و هەولێر دەتوانن سوودمەندبن لە گۆڕینەوەی دراوی عێراقی بە دۆلاری ئەمریكی و هەر حاجییەك دەتوانێت بڕی سێ هەزار دۆلار بە نرخی رەسمی سوودمەندبێت.
ئەو پەرلەمانتارە دەشڵێت، “لە نووسراوەكەدا هاتووە كە هەموو رۆژانی هەفتە بە ڕۆژانی هەینی و شەممەشەوە پێویستە لقەكانی بانكەكە تا كاتژمێر 8ی شەو دەوامبكەن بەمەبەستی راییكردنی مامەڵەی حاجییانی هەردوو گەشتی وشكانی و ئاسمانی.
