دوای ئەوەی شاندی پارتی دیموکراتی کوردستان گەیشتە بارەگای مەکتەبی سیاسیی یەکێتیی نیشتمانیی کوردستان و کۆبوونەوەی ئەو دوو لایەنە دەستیپێکرد.
شاندی پارتی دیموکراتی کوردستان پێکهاتوون لە، مەحمود محەمەد، جەعفەر ئیمینکی، هێمن هەورامی و ئومێد سەباح، لەلایەن شاندی یەکێتیی نیشتمانیی کوردستان کە پێکهاتبوون لە قوباد تاڵەبانی، دەرباز کۆسرەت رەسوڵ و ئاسۆ مامەندەوە پێشوازییان لێکرا.
کۆبوونەوەی نێوان هەردوولا ئێستا لە مەکتەبی سیاسیی یەکێتی دەستیپێکردووە، بڕیارە لەم کۆبوونەوەیەدا گفتوگۆ لەبارەی کێسەکانی نێوان پارتی و یەکێتی و گەڕانەوەی تیمی یەکێتی لە حکومەتی هەرێمی کوردستان بکرێت.
