پارێزگاری هەولێر رایگەیاند، لە سێ حاڵەتی ئاگرکەوتنەوە کە لەماوەی رابردوو لە هەولێر روویانداوە بە گومانن و هەر کاتێک ئەنجامی لێکۆڵینەوەکان ئاشکراکران، ئەوا هەر کەسێک لە پشتیانەوە بووبێت چاوپۆشی لێ ناکرێت و بە رای گشتی رایدەگەیەنین.
ئومێد خۆشناو، پارێزگاری هەولێر ئاماژەی بەوەشکرد، چەندین کەس لەسەر رووداوی ئاگرکەوتنەوەکان دەستگیرکراون و لێکۆڵینەوەیان لەگەڵدا کراوە و دواتر دوای سەلماندنی بێتوانیی خۆی ئازادکراوە، بەڵام لێکۆڵینەوەکان بەردەوامن.
باسی لەوەشکرد، وەک چۆن خەڵک بە گومانن لە هەندێک ئاگرکەوتنەوەی شارەکە، ئەوانیش وەک ئیدارەی شارەکە گومانیان هەیە و هەر کات ئەنجامەکان ئاشکراکران بۆ خەڵکی رادەگەیەنن.
