دەستەی کەشناسیی عێراق پێشبینی بەرزبوونەوەی پلەی گەرمی دەکات لە رۆژانی جەژندا لە ناوچەکانی هەرێمی کوردستان و ناوچەکانی دیکەی عێراق.
بە گوێرەی راگەیەندراوەکەی دەستەی کەشناسیی عێراق کە ئەمڕۆ هەینی بڵاویکردووەتەوە، ئەگەری خۆڵبارینێکی کەم هەیە لە سبەی شەممەدا و پلەی گەرمی بەراورد بە ئەمڕۆ بەرزدەبێتەوە.
لەبارەی کەشوهەوای رۆژی یەکشەممەوە باس لەوەکراوە، پلەی گەرمی لە ناوچەکانی هەرێمی کوردستان بەرزدەبێتەوە و کەشوهەوا سەقامیگر دەبێت لە رۆژانی دووشەممە و سێشەممەدا.
ئەمەش لە کاتێکدایە، بە گوێرەی پێشبینییەکانی بەڕێوەبەرایەتیی گشتیی کەشناسیی هەرێم، سبەی لەناوچەکانی هەرێمی کوردستان پلەی گەرمی بەم جۆرە دەبێت:
هەولێر : 43
سلێمانی : 38
دهۆک : 40
کەرکوک : 44
هەڵەبجە : 43
زاخۆ : 42
سۆران : 40
حاجی ئۆمەران : 28
گەرمیان : 46
