هەلی كاری دامەزراندن بە گرێبەست راگەیەندرا

هەلی دامەزراندنی بە گرێبەست لە هەڵەبجە و مەرجەكانی پێشكەشكردنی داواكاری راگەیەندران.

بە مەبەستى پڕکردنەوەى ژمارەیەک بۆشایى میلاکى پسپۆرى و پاڵپشتیی پێکهاتە کارگێرییەکانى سەر بە وەزارەت و لایەنى نەبەستراو بە وەزارەت لە سنوورى پارێزگاى هەڵەبجە، ئەنجومەنى راژەى گشتى هەڵدەستێت بە وەرگرتنى فۆرمى داواکاریی دامەزراندن بە شێوەى گرێبەست بە رەچاوکردنى خاڵەکانى خوارەوە:

1- پێویستە پێشکەشکار (Email)ی تایبەت بە خۆی لە ئەکاونتی (Gmail) هەبێت و (Sign-in) کرابێت بۆ ئەوەی بتوانێت فۆرمی داواکاری دامەزراندن پڕبکاتەوە.

2- تەنیا دانیشتووانى سنوورى پارێزگاى هەڵەبجە دەتوانن فۆرمى داواکارى دامەزراندن پێشکەش بکەن.

3- پێشکەشکار بۆی هەیە تەنیا یەک پسپۆرى لە فۆرمى داواکارى دامەزراندن هەڵبژێریت.

4- پێشکەشکار دەتوانێت تا (3) وەزارەت و لایەنى نەبەستراو بە وەزارەت بۆ کارکردن لە بواری پسپۆرییەکەی هەڵبژێرێت، بە مەرجێک پسپۆرییەکەی لە لایەن وەزارەتەکە داواکرابێت.

5- ناردنی زیاتر لە یەک فۆرمی داواکاری لە لایەن پێشکەشکار رێگەپێدراو نییە و دەبێتە هۆکاری دوورخستنەوەی.

بۆ پڕكردنەوەی فۆڕمەكە كلیك لێرە بكە.