پۆلیسی سلێمانی دەستگیرکردنی کەسێکی راگەیاند کە تۆمەتباربووە بە بێهۆشکردنی ئەندامانی خێزانێک و دزیکردن لێیان.
بەڕێوەبەرایەتیی پۆلیسی سلێمانی بڵاویکردەوە، دوای ئه‌وه‌ی هاوڵاتییه‌ك سكاڵای تۆماركرد كه تۆمه‌تبارێك چۆته ماڵه‌كه‌یان و به ده‌رمانی بێهۆشكه‌ر بێهۆشیكردوون و دواتر بڕێك زێڕ و مۆبایلێك له جۆری ئایفۆنی لێدزیون، ده‌ستبه‌جێ هێزه‌كانی پۆلیس لێكۆڵینه‌وه‌كانیان بۆ دۆزینه‌وه و ده‌ستگیركردنی تۆمه‌تبار ده‌ستپێكرد و دوای وه‌رگرتنی بڕیاری دادوه‌ر و گه‌یشتنه ئه‌نجامی لێكۆڵینه‌وه‌كان، توانرا تۆمه‌تبار له‌لایه‌ن مه‌فره‌زه‌كانی نوسینگه‌ی نه‌هێشتنی تاوانی ڕاپه‌ڕین به هاوكاری نووسینگه‌ی نه‌هێشتنی تاوانی رۆژهه‌ڵاته‌وه ده‌ستگیربكرێت.
ئاماژەی بەوەشکرد، له‌كاتی ده‌ستگیركردنی تۆمه‌تباردا ده‌ستگیرا به‌سه‌ر چه‌كێك له‌جۆری ده‌مانچه و ئه‌و ده‌رمانه‌ی تۆمه‌تبار به‌كاریهێنابوو بۆ بێهۆشكردنی خێزانه‌كه.
ئاشکراشیکرد، له‌ئێستادا تۆمه‌تبار (ك، ح، ع) له‌دایكبووی 1976 به بڕیاری دادوه‌ر و به‌پێی مادده‌كانی 444 و 15ی چه‌ك له یاسای سزادان راگیراوه و لێكۆڵنه‌وه‌كان به‌رده‌وامن.
