منداڵێکی تەمەن دوو ساڵان لە رووباری خازر خنکا.
به‌رێوه‌به‌رایه‌تیی به‌رگریی شارستانیی ئاكرێ له راگه‌یاندراوێكدا بڵاویكرده‌وه، ئه‌مڕۆ دووشه‌ممه، منداڵیك به ناوی (فه‌هد عه‌بدولڕه‌حمان ميكائيل) ته‌مه‌ن دوو ساڵان دانیشتووی گوندی زه‌نگه‌نان سه‌ر به ناحیه‌ی داره‌توو له قه‌زای به‌رده‌ڕه‌ش سه‌ر به پارێزگای دهۆك، كه‌وتووەتە ئاوی رووباری خازر نزیك پردی مه‌ندان و خنكاوه.
ئاماژەی بەوەشکردووە،” خێزانی ئه‌و منداڵه خنكاوه، به‌مه‌به‌ستی سه‌یران و سه‌ردان چووبوونه نزیك رووباری خازر”.
