کەشناسیی هەرێمی کوردستان کەشوهەوای ئەمڕۆ و سبەینێی بڵاوکردەوە، بەپێی پێشبینییەکان ئەمڕۆ و سبەینێ پلەکانی گەرما بەردەوام دەبێت لە بەرزبوونەوە.
بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان رایگەیاند، ئەمڕۆ سێشەممە ئاسمان ساماڵ دەبێت و پلەکانی گەرما بەراورد بە رۆژانی پێشوو بەرزتردەبنەوە.
هەروەها سبەینێ چوارشەممە، ئاسمان ساماڵ و گەرم دەبێت و پلەکانی گەرما زیاتر لە ئەمڕۆ بەرزدەبنەوە.
ئەمە لەکاتێکدایە لە دوو رۆژی رابردوودا کەشناسیی هەرێم ئاشکرایکرد، شەپۆلێکی گەرما روو لە هەرێم دەکات و پلەکانی گەرما دەگەنە 50 پلەی سەدی، داواشی لە هاوڵاتییان کرد لەم رۆژانەدا لە ماڵەکانیاندا بمێننەوە.
