وەزارەتی شارەوانی و گەشتوگوزار بڵاویکردەوە، رێگەبە دروستکردنی دوو خانوو یان زیاتر دەدرێت لەسەر یەک پارچە زەوی بەو مەرجانەی لەلایەن وەزارەتەوە دانراون.
بەپێی نووسراوێکی وەزارەتی شارەوانی و گەشتوگوزار کە ئاڕاستەی سەرجەم شارەوانییەکانی کردووە، ئەو کەسانەی دەیانەوێت یەک پارچە زەوی بکەن بە دوو بەش یان زیاتر و زیاتر لە خانوویەکی لەسەر دروست بکەن پێویستە لە 200 مەتر دووجا كەمتر نەبێت و رووكاری هەر پارچە زەوییەكیان لە پێنج مەتر كەمتر نەبێت و دەبێت رووبەری هەر زەوییەكیش دوای دابەشكردنی بەلای كەمەوە 100 مەتر دووجا بێت.
هەر لە مەرجەکاندا هاتووە، هەر هاوڵاتییەک یەک جار سوودمەند دەبێت لە دابەشکردنی زەوییەکەی بۆ دوو بەش.
