سەرۆكی رێكخراوی یەكێتیی مامۆستایان رایدەگەیەنێت، بۆ چارەسەركردنی كێشەی مووچە و پلەبەرزكردنەوە و هاوتاكردنی مووچەی خانەشنینان لەگەڵ عێراق وەفدێكیان سەردانی بەغداد دەكاتەوە و لەگەڵ سەرۆكی دادگای فیدراڵی و بەرپرسانی عێراق كۆدەبنەوە.
عەبدولواحید محەمەد سەرۆكی رێكخراوی یەكێتیی مامۆستایانی كوردستان لە لێدوانێكدا بە تۆڕی میدیایی ئێستای راگەیاند، لە چەند رۆژی رابردوودا سەردانی شاری بەغدامان كرد و لەگەڵ بەرپرسانی باڵای عێراق لەبارەی پرسی مووچەوە چەند كۆبوونەوەیەكمان ئەنجامدا و بەڵێنی چارەسەركردنی كێشەی مووچە درا.
وتیشی، “بۆ چارەسەركردنی كێشەی مووچە و هاوتاكردنی مووچەی خانەنشینانی هەرێم لەگەڵ عێراق سەردانی بەغداد دەكەینەوە و لەگەڵ سەرۆكی دادگای فیدراڵی كۆدەبینەوە و جگەلەوەش پێشتر دادگای فیدراڵی بڕیاریداوە كە دەبێت مووچەی خانەنشینانی هەرێم هاوتای عێراق بكرێت لە هەمانكاتدا بەدواداچوون بۆ بابەتی دەستپێكردنەوەی پلەبەرزكردنەوەی مامۆستایان و فەرمانبەرانیش دەكەین”.
