سەرۆكایەتیی شارەوانیی سلێمانی رایدەگەیەنێت، بەمەبەستی كاركردن لە قۆناغی دووەمی فراوانكردنی شەقامی دابان لە كارێزەوشك- بەشی ناوبازاڕەكەی تا پردی كۆبانی، سبەی شەقامەكە بەربەستدەكرێت.
بەپێی راگەیەندراوێكی سەرۆكایەتیی شارەوانیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، بەمەبەستی كاركردن لە قۆناغی دووەمی فراوانكردنی شەقامی دابان لە كارێزەوشك- بەشی ناوبازاڕەكەی تا پردی كۆبانی شەقامەكە لە رۆژی شەممە 1ی حوزەیران كاتژمێر 9ی سەرلەبەیانی بە شێوەیەكی كاتی بەربەستدەكرێت.
هەر لە راگەیەندراوەكەدا هاتووە، داوا لە هاوڵاتییان و شۆفێران دەكەین كە رێگای جێگرەوەی تەنیشتی شەقامە بەكاربهێنن.
