بەهۆی نەبوونی كارەبای نیشتمانییەوە هاوڵاتییانی نیشتەجێی ناحیەی شوانی سەر بە پارێزگای كەركوك خۆپیشاندانیان ئەنجامدا و ڕێگەی سەرەكی كەركوك- هەولێریان داخست.
بەپێی ئەو زانیارییانەی بە تۆڕی میدیایی ئێستا دراون، ئەمڕۆ چوارشەممە هاوڵاتییانی نیشتەجێی ناحیەی شوان بەهۆی نەبوونی كارەبای نیشتمانییەوە خۆپیشاندانیان ئەنجامدا و گرژی و ئاڵۆزی لەنێوان هێزە ئەمنییەكان و خۆپیشاندەران دروستبوو.
لە ئێستادا خۆپیشاندەران ڕێگەی سەرەكی هەولێر- كەركوكیان داخستووە كە ماوەی 10 ڕۆژە گوندەكانی ناحیەی شوان و ساڵەیی بێكارەبان.
