سەرۆكی دەستەی گشتیی ناوچە كوردستانییەكانی دەرەوەی ئیدارەی هەرێمیش رایدەگەیەنێت، حكومەتی هەرێم جددیتر كار لەسەر چارەسەری كێشەی جووتیارانی ناوچە كوردستانییەكاندا دەكات”.
فەهمی بورهان سەرۆكی دەستەی گشتی ناوچە كوردستانییەكانی دەرەوەی ئیدارەی هەرێم رایگەیاند،لەلایەن حكومەتی هەرێمەوە راسپێردراون كە بەدواداچوون بۆ كێشەی زەوی و زاری جووتیارانی ناوچە جێناكۆكەكان بكەن و لەم روانگەیەشەوە لەگەڵ وەزیرانی داد و كشتوكاڵیی عێراق كۆبوونەتەوە و بەڕوونی كێشەی زەوی و زاری جووتیاران خراوەتەروو كە داوای چارەسەری خێرا كراوە.
دەشڵێت، “هەنگاوەكان و هەوڵەكانمان جددیترن بۆ چارەسەری كێشەی جووتیارانی ناوچە جێناكۆكەكان و زەوی و زارەكانیان، بۆچوونی خۆمان لەبارەی چارەسەری كێشەكان جارێكی دیكە خستووەتەڕوو بە مەبەستی جێبەجێكردن و چارەسەری كێشەكان”.
