جارێکی دیکە بۆریی ئاوی ئیفرازی سێ لە هەولێر شکا

وەزارەتی شارەوانی و گەشتوگوزار ڕایگەیاند، بەهۆکارێکی تەکنیکی جارێکی دیکە ‏بۆریی ئاوی ئیفرازی سێ شکاوە و “بەزووترین کات چاکدەکرێتەوە”.‏

وەزارەتی شارەوانی لەسەر ڕووداوەکە دەڵێت، “بە هۆكارێكی تەكنیكی بۆریی ئاوی ‏ئیفراز سێ لە شاری هەولێر شكا، تیمەكانی بەڕێوەبەرایەتیی ئاو و ئاوەڕۆی هەولێر ‏سەرقاڵی چاككردنەوەی بۆرییەكەن و بەڕێوەبەری گشتیی ئاو و ئاوەڕۆش ڕایگەیاندووە ‏بەزووترین كات ئەو كێشەیە چارەسەر دەكرێت”.‏

ئاری ئەحمەد، بەڕێوەبەری گشتیی ئاو و ئاوەڕۆ لە وەزارەتی شارەوانی و گەشتوگوزار ‏لەبارەی وادەی چاككردنەوەی بۆرییەكە ڕایگەیاندووە، “دوای ئەوەی بە هۆكارێكی ‏تەكنیكی بۆریی پرۆژەی ئاوی ئیفراز سێ لە شاری هەولێر شكا، دەمودەست تیمەكانی ‏چاككردنەوە چوونەتە شوێنەكە و دەستیان كردووە بە چاككردنەوەی بۆرییەكە، ئێستا ‏تیمەكانی چاككردنەوە لەوێن و لە ماوەیەكی نزیكدا ئەو كێشەیە چارەسەر دەبێت و ‏بۆرییەكە چاك دەكرێتەوە”.‏

ساڵانە چەندین جار بۆریی ئیفرازی سێ لە هەولێر دەشكێت، هۆكارە سەرەكییەكەشی ‏ئەوەیە، كە نازانرێت بۆرییەكە بە كوێدا تێپەڕدەبێت و هەندێك جار لەكاتی كاركردن لە ‏پڕۆژەكاندا، زیان بەر بۆرییەكە دەكەوێت و دەشكێت.‏

بۆری ئاوی ئیفرازی3 سەرچاوەی هاتنی دیارە، بەڵام نازانرێت بەکوێدا تێدەپەڕێت

بابەتی پێشتر

ئاسایشی هەولێر ئەندامێكی تری هەدەپەی شاربەدەر كرد و ئێستا لە سلێمانییە

بابەتی دواتر

قۆناغی (16)ی چامپیۆنزلیگ دوو یاریی گەورە بەخۆیەوە دەبینێت

بابەتی پەیوەندیدار
Total
0
Share