بە پێی وێبسایتە جیهانییەکانی کەشوهەوا، ڕۆژی 15ی ئەم مانگە، شەپۆلێکی بارانبارین ڕوو لە هەرێمی کوردستان دەکات و ماوەی هەفتەیەک کاریگەری دەمێنێت.
بە گوێرەی پێشبینییەکانی وێبسایتی “wordweather” شەپۆلەکە ڕۆژی 15ی کانوونی دووەم ڕوو لە شارەکانی هەرێم دەكات و بارانبارین دەستپێدەکات و هەلی بارانبارین لە ٪80 بەرەو سەرتر دەبێت.
پێشبینییەکان ئاماژە بۆ ئەوە دەكەن لە ڕۆژی 16ی مانگەوە ئاسمان هەور و ساماڵ دەبێت و لە هەندێک ناوچەی هەرێمی كوردستان باران دەبارێت، بەم شێوەیە کاریگەرییەکە بەردەوام دەبێت تا ڕۆژی 20ی ئەم مانگە.
ڕۆژی 20 و 21ی مانگ بە هەمان شێوە هەلی بارانبارین زیاتر دەبێت و ئەو دوو ڕۆژە لە شارەکانی هەرێم باران دەبارێت.
پاش ئەوكاتە کاریگەریی شەپۆلەکە کەم دەبێتەوە و ئاسمانی شارەکانی هەرێم ساماڵ دەبێت.
