مەکتەبی سیاسیی یەکێتی نیشتمانیی کوردستان بەهۆی رووداوی کەوتنەخوارەوەی هێلیکۆپتەری سەرۆک کۆمار و تیمی یاوەری و گیان لەدەستدانیان پەیامێکی بڵاوکردەوە.
دەقی پەیامەکەی یەکێتیی نیشتمانیی کوردستان:
بەناوی یەكێتیی نیشتمانیی كوردستانەوە پرسە و سەرەخۆشی خۆمان ئاراستەی مەقامی موعەزەمی رەهبەری و سەرۆكایەتی كۆماری ئیسلامیی ئێران و خانەوادەی كۆچكردوان و گەلی ئێران دەكەین بە بۆنەی رووداوی دڵتەزێنی كەوتنەخوارەوەی هێلكۆپتەری بەڕێز ئیبراهیم رەئیسی سەرۆككۆمار و هاوڕێكانی و گیان لە دەستدانیان.
بەیانی ئەمڕۆ لە نزیک کاتژمێر 7:30 خولەک، ئاژانسی هەواڵی میهری ئێران بڵاویکردەوە، ئیبراهیم رەئیسی سەرۆک کۆماری ئێران و ئەو تیمەی لەگەڵی بوون لە تێکشکاندنی هێلیکۆپتەرەکەیان، گیانیان لەدەستداوە و دواتریش حکومەت بە فەرمی هەوڵەکەی پشتراستکردەوە.
