بەهۆی ئاگرەوە لە ویلایەتێكی هیندستان، 10 منداڵی تازە لەدایكبوو گیانیان لەدەستدا.
بەگوێرەی هەواڵی ئاژانسەكان كە ئەمڕۆ شەممە 9ی كانونی دووەم بڵاوكراوەتەوە، لە ویلایەتی ماهاراشترا لە ڕۆژئاوای هیندستان، 10 منداڵ سووتان و بەهۆیەوە گیانیان لەدەستدا.
پۆلیسی ویلایەتەكە لە ڕاگەیەندراوێكدا ئاشكرایكردووە، ئاگرەكە لە بەشی چاودێریی وردی منداڵان كەوتووەتەوە، لە نەخۆشخانەی شاری بهاندارا.
لە ڕاگەیەنداوەكەدا ئەوەش خراوەتەڕوو، هەرچەندە ئەو ژمارە منداڵە گیانیان لەدەستداوە بەڵام توانراوە حەوتی دیكە ڕزگاربكرێن.
ئاگرەكەش بەهۆی شۆرتی كارەباوە بووە، وەك پۆلیس ئاماژەی پێكردووە.
باس لەوەشكراوە، ئەو منداڵانەی گیانیان لەدەستداوە بەهۆی ئاگرەكەوە تەمەنیان لەنێوان یەك بۆ سێ مانگ بووە.
Heart-wrenching tragedy in Bhandara, Maharashtra, where we have lost precious young lives. My thoughts are with all the bereaved families. I hope the injured recover as early as possible.
— Narendra Modi (@narendramodi) January 9, 2021
