دوای بڵاوبوونەوەی ڤیدیۆی سووتاندنی دوو ئۆتۆمبێل لە تۆڕەکۆمەڵایەتییەکان لەلایەن کەسێکەوە ئاسایشی گشتیی سعودیە دەستگیرکردنی ئەو کەسەی راگەیاند.
ئاسایشی گشتیی سعودیە لە راگەیەندراوێکدا لەبارەی ئەو رووداوەوە ئاماژەی بەوە کرد، ”پۆلیسی مەککە دانیشتوویەکی بە رەگەز تورکی دەستگیرکرد کە لە ڤیدیۆیەکدا دەرکەوتبوو دوو ئۆتۆمبێلی سووتاندبوو لە شوێنێکی گشتیدا”.
دەشڵێت، ”ئێستا ئەو تۆمەتبارە دەستبەسەرە و رێوشوێنی یاسایی بەرامبەر گیراوەتەبەر و رەوانەی داواکاری گشتی کراوە”.
چالاکوانان لە تۆڕەکۆمەڵایەتییەکاندا ڤیدیۆیەکیان بڵاوکردەوە کە تیایدا دەردەکەوێت کەسێک لە شاری مەککە دوو ئۆتۆمبێلی سووتاندووە و ئەوەش کاردانەوەیەکی گەورەی لێکەوتەوە.
