ئەندامێكی ئەنجومەنی نوێنەرانی عێراق رایدەگەیەنێت، حكومەت و وەزارەتی دارایی عێراق سوورن لەسەر بە بانكیكردنی مووچە لە رێگای بانكە حكومییەكانی عێراقەوە و دەشڵێت، ” بە بانكیكردنی مووچە لە رێگای بانكە حكومییەكانی عێراقەوە كێشەی دواكەوتنی مووچە چارەسەردەكات”.
غەریب ئەحمەد ئەندامی ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، تاوەكو ئێستا حكومەت و وەزارەتی دارایی عێراق سوورن لەسەر ئەوەی دەبێت بە بانكیكردنی مووچە لە رێگای بانكە حكومییەكانی عێراقەوە بێت.
ئەو پەرلەمانتارە جەختیكردەوە وتیشی، ” بەجێبەجێكردنی بڕیارەكەی دادگای فیدراڵیی عێراق بۆ بە بانكیكردنی مووچە كێشەی دواكەوتنی مووچە لە هەرێمی كوردستان چارەسەردەبێت”.
