لەگەڵ هاتنی وەرزی گەرما خواردنی سەوزەکان یەکێکە لە بژاردە باشەکان بۆ پارێزگاریکردن لە وشکبوونەوەی جەستە و وەرگرتنی پێکهاتە خۆراکییە گرنگەکان، لەگەڵ ئەمەشدا شارەزایانی بواری خۆراک هۆشداریی دەدەن لە خواردنی چەند جۆرێک لەو سەوزەکان لە وەرزی گەرمادا.
خواردنی چەند جۆرێکی سەوزەوات لە وەرزی گەرمادا دەبنە هۆی تەمبەڵی و هەستکردنی زیاتر بە گەرما لەوانەش:
-سپێناغ و کەلەرم
یەکێکن لە سەرچاوە سەرەکییەکانی ڤیتامینات و کانزاکان، بەڵام بڕی پێویست ئاویان تێدا نییە بۆیە باشترە بیانگۆڕیت بە کاهوو و جەرجیر.
-بروکلی و قەرنابیت
بڕێکی زۆری کانزا و ڤیتامیناتیان تێدایە، گەرمی بە جەستە دەبەخشن بۆیە بژاردەیەکی باشە بۆ وەرزی زستان.
– ئەو سەوزانەی رەگدارن (گێزەر، توور، شێلم)
یەکێکن لەو بەرهەمانەی وزەیەکی زیاتریان دەوێت بۆ هەرسکردن بۆیە بژاردەیەکی گونجاو نین بۆ هاوین
– جگە لەو بەرهەمانەی باسکران باشترە لەگەڵ هاتنی وەرزی گەرما لە بەرهەمەکانی وەک کولەکەی زەرد، گەنمەشامی و بەزالیا دووربکەویتەوە.
