لە هێرشێکدا بۆ سەر مزگەوتێک لە رۆژئاوای ئەفغانستان شەش کەس کوژران و کەسێکی دیکەش برینداربوو.
ئەمڕۆ سێشەممە، موفتی عەبدولمەتین، وتەبێژی وەزارەتی ناوخۆی ئەفغانستان رایگەیاند، لە هێرشێکدا بۆ سەر مزگەوتێک لە پارێزگای هیرات لە رۆژئاوای ئەفغانستان، شەش کەس کوژران و کەسێکی دیکەش برینداربوو.
موفتی عەبدولمەتین، لە پێگەی خۆی لە تۆڕی کۆمەڵایەتیی ئێکس رایگەیاند، هێرشەکە شەوی رابردوو لە کاتی نوێژی خەوتنان کراوەتە سەر مزگەوتەکە و لەلایەن چەند چەکدارێکەوە ئەنجامدراوە. دەشڵێت، سەرجەم قوربانییەکان هاوڵاتیی سڤیل بوون، تا ئێستا هیچ لایەنێک بەرپرسیاریەتیی هێرشەکەی لە ئەستۆ نەگرتووە.
