هێرشه‌كه‌ى ئه‌مڕۆی ڕوسیا بۆ سه‌ر دۆنباس نرخى نه‌وتى بۆ سه‌روو 100 دۆلار به‌رزكرده‌وه.
دواى ئه‌وه‌ى ئه‌مڕۆ ڕوسیا هێرشه‌كانى بۆسه‌ر هه‌رێمى دۆنباس له خۆرهه‌ڵاتى ئۆكرانیا ده‌ستپێكرد، به‌یانى ئه‌مڕۆ نرخى نه‌وتى برێنت و خۆرئاواى ئه‌مریكا به‌شێوه‌یه‌كى به‌رچاو به‌رزبووه‌وه.
ئاژانسی ڕۆیته‌رز بڵاویكرده‌وه، له‌دواى كردنه‌وه‌ى بازاڕه‌كاندا نرخى یه‌ك به‌رمیل نەوتی برێنت 102 دۆلاری تێپەڕاند و نزیكه‌ى پێنج دۆلار به‌رزبووه‌وه و بەردەوامیشه لە بەرزبوونەوە.
به‌هه‌مانشێوه نه‌وتى خۆرئاواى ئه‌مریكاش نزیكه‌ى پێنج دۆلار چووه سه‌ر نرخه‌كه‌ى و بۆ 96.50 دۆلار به‌رزبووه‌وه.
