ئەندامێکی ئەنجومەنی نوێنەرانی عێراق رایدەگەیەنێت، دادگای فیدراڵی رەتیکردەوە روونکردنەوە لەسەر سێ مووچەکەی ساڵی رابردوو بدات.
سۆران عومەر، ئەندامی ئەنجومەنی نوێنەرانی عێراق رایگەیاند، دادگای فیدراڵی رەتیکردەوە روونکردنەوە لەسەر پێنەدانی سێ مووچەکەی ساڵی 2023 بدات، بەوپێیەی لەدەسەڵاتی دادگاکەیان نییە.
ئەو پەرلەمانتارە دەشڵێت، دوای ئەوەی نوسراوم ئاراستەی سەرۆکی حکومەتی ناوەند کرد ئەوان وەڵامەکەیان خۆ لادان بوو لەبەرپرسیارێتی گەڕاندنەوەی سێ مووچەکە، ئێستا پێویستە حکومەتی هەرێم وەڵام بداتەوە.
مووچەی سێ مانگی کۆتایی ساڵی 2023ی مووچەخۆرانی هەرێم دابەشنەکراوە، لە ماوەی رابردوودا وەزیری دارایی عێراق رایگەیاند، ناتوانن پارە بۆ ئەو سێ مووچەیە بنێرن و لە ئەستۆی حکومەتی هەرێمدایە.
