وەزیری بازرگانیی عێراق رایگەیاند، بەشی یەک ساڵی تەواو بەشەخۆراک بوونی هەیە لە کۆگاکانی وەزارەتی بازرگانیدا.
ئەسیر داود غرێری، وەزیری بازرگانیی عێراق لە میانەی بەشداریکردنی لە چالاکییەکانی کۆڕبەندی نیشتمانیی بۆ کەرتی تایبەت رایگەیاند، هیچ قەیرانێکی بەشەخۆراک لە عێراقدا بوونی نییە.
ناوبراو ئاماژەی بەوەشکرد، هیچ کێشەیەک بۆ خۆراکە ماددەکان لە عێراقدا دروستنابێت بەهۆی ئەوەی بۆ ماوەی یەک ساڵی تەواو بەشەخۆراک عەمبارکراوە لە کۆگاکانی وەزارەتدا.
