کۆمپانیای توێۆتای ژاپۆنی بڵاویکردەوە، فرۆشی کۆمپانیاکە بەشێوەی بەرچاو بەرزبووەتەوە لەسەر ئاستی پێوانەی ساڵانە و 10.31 ملیۆن یەکەی فرۆشتووە.
کۆمپانیای تۆیۆتا مۆتۆر رایگەیاند، ئاستی پێوانەیی لە فرۆشتن و بەرهەمهێنانی جیهانیدا تۆمارکردووە لە ماوەی ساڵێکدا کە لە 31ی ئازاری ئەمساڵ کۆتایی هاتووە.
رۆژنامەی مید ژاپۆن ئیکۆنۆمیست دەڵێت، کۆمپانیای تۆیۆتا بەنیازە دەستپێکردنی بەرهەمهێنانی ئۆتۆمبێلە کارەباییەکانی لە ئەمریکا دوابخات و بەرهەمهێنانی ناوخۆیی کەمبکاتەوە بۆ دڵنیابوون لە سەلامەتی و کوالێتی بەرهەمەکە.
کۆمپانیای تۆیۆتا باسی لەوەکردوە، فرۆشی جیهانی لە کۆمپانیای سەرەکییەوە بە رێژەی 7.3% بەرزبووەتەوە بۆ 10.31 ملیۆن یەکە لەسەر بنەمای ساڵانە، ئەوەش بۆ یەکەمجارە 10 ملیۆن یەکە تێپەڕاندووە.
ئەوەی جێگەی ئاماژە پێکردنە، گەورەترین کۆمپانیای دروستکردنی ئۆتۆمبێل لە جیهاندا لە مانگی ئازاردا فرۆش و بەرهەمهێنانی دابەزینی بەخۆیەوە بینی لەکاتێکدا کێبڕکێیەکی توند لەگەڵ چین دەکات کە گەورەترین بازاڕی ئۆتۆمبێلە لە جیهاندا.
