هاوکات لەگەڵ گەیشتنی سەرۆکی تورکیا بۆ عێراق، بەمەبەستی واژووکردنی گرێبەستێکی چوار قۆڵی وەفدێکی ئیماراتی و قەتەری گەیشتنە بەغداد.
میدیا عێراقییەکان بڵاویانکردەوە، دواینیوەڕۆی ئەمڕۆ هەریەکە لە جاسم بن سەیف سلیتی وەزیری پەیوەندییەکانی قەتەر و سەهیل مەزروعی وەزیری وزە و ژێرخانی ئابووری ئیمارات گەیشتنە بەغداد.
بڕیارە لە سەردانەکەیاندا بۆ بەغداد ئەو بەرپرسانەی قەتەر و ئیمارات لەگەڵ عێراق و تورکیا رێکەوتنێکی چوار قۆڵی واژوو بکەن.
رێکەوتنە چوار لایەنییەکە پەیوەستە بە دەستکردن بە پرۆژەی رێگای گەشەپێدان.
