دەستەی کەشناسیی عێراق بڵاویکردەوە، تا ناوەڕاستی مانگی ئەیلول بەرزبوونەوەی پلەی گەرمی بەردەوامی دەبێت و تا دوای ئەو وادەیەش هیچ ئەگەرێک بۆ بارانبارین نییە.
عامر جابری بەڕێوەبەری راگەیاندنی دەستەی کەشناسیی عێراق رایگەیاندووە، هاتنی شەپۆلی گەرمی و بەرزبوونەوەی پلەی گەرمی و شێ تا کۆتایی ئەم مانگە بەردەوام دەبن، چاوەڕێدەکرێت لە ناوەڕاستی مانگی ئەیلولەوە دەست بە دابەزین بکات.
ئاشکراشیکرد، لەدوای ئەو بەروارەی پێشبینیکراوە، دابەزینی پلەی گەرمی بە شێوەی پلەبەندی بەردەوام دەبێت و کەش خۆی بۆ وەرزی سەرما ئامادەدەکات.
