وڵاتی نەرویج دەیەوێت دوو کاتژمێر بۆ شەو و رۆژ زیادبکات و لە 24 کاتژمێرەوە بیگۆڕێت بۆ 26 کاتژمێر.
رۆژنامەی پۆلیتیکۆی ئەمریکی بڵاویکردەوە، دەسەڵاتدارانی هەرێمی باکووری نەرویج دەیانەوێت ناوچەیەکی کاتیی جیاواز دروستبکەن کە شەو و رۆژێکی 26 کاتژمێری تێدا بێت، بەڵام تا ئێستا چۆنیەتی جێبەجێکردنی ئەو کارەیان دیارینەکردووە.
رۆژنامەکە ئاماژە بەوەش دەکات، دەسەڵاتدارانی نەرویج بەشێوەیەکی رەسمی داواکارییان پێشکەشی کۆمسیۆنی ئەوروپا کردووە تاوەکو رەزامەندییان پێبدات.
دەسەڵاتدارانی نەرویج دەڵێن، هیوادارن ئەو کارەیان هانی خەڵک بدات بۆ ئەوەی روو لەو ناوچەیە بکەن و کاتی خێزانەکان زیادبکات لەپێناو بەرەوپێشبردنی بەها کۆمەڵایەتییەکان.
