بەیانی ئەمڕۆ لەگەڵ کردنەوەی بازاڕەکانی دراو لە شارەکانی هەرێمی کوردستان و عێراق بەهای دۆلاری ئەمریکی بەرامبەر بە دیناری عێراق بەرزبوونەوەی بەخۆیەوە بینی و بەهای 100 دۆلار گەیشتە 148 هەزار و 750 دیناری عێراقی.
ئەمەش لە کاتیکدایە، دوینێ لە کاتی داخستنی بازاڕەکانی دراو لە شارەکانی هەرێمی کوردستان و عێراق، بەهای 100 دۆلار بەرامبەر بە 148 هەزار و 600 دینار مامەڵەی پێوەکرا.
بە بڕوای شارەزایانی بازاڕەکانی دراو و چاودێرانی ئابوری، دەبوایە بەهۆی سەردانی محەمەد شیاع سودانی بۆ واشنتن، بەهای دیناری عێراقی بەرامبەر بە دۆلاری ئەمریکی بەرزببێتەوە، بەڵام ئاڵۆزبوونی دۆخی ناوچەکە و مەترسییەکانی جەنگ، بووە هۆی بەرزبوونەوەی بەهای دۆلار.
