بەڕێوەبەرایەتیی کەشناسیی هەرێم بڵاویکردەوە، لە سبەینێ دووشەممەوە بارانبارین دەستپێدەکاتەوە.
بەڕێوەبەرایەتیی کەشناسیی و بومەلەرزەزانیی هەرێم بڵاویکردەوە، ئەمڕۆ یەکشەممە ئاسمان ساماڵ و پەڵە هەور دەبێت بەگشتى، پلەکانی گەرما کەمێک بەرزدەبنەوە بە بەراورد بە تۆمارکراوەکانی دوێنێ.
ئاشکراشیکرد، سبەینێ دووشەممە ئاسمان نیمچە هەور دەبێت، لەسەر بەشێک لە ناوچە شاخاوییە بەرزەکانى سنوورى پارێزگاى دهۆک ئەگەرى نمە بارانى کورتخایەن و هەورە تریشقە هەیە، پلەکانی گەرما دابەزین بەخۆیانەوە دەبینن.
