لە مانگی رابردوودا، 468 نەخۆش لە كلینیكی نەخۆشییەكانی مەمك بینراون و یەک حاڵەتی شێرپەنجەی مەمک تۆمارکراوە.
بەڕێوەبەرایەتیی گشتیی تەندروستیی سلێمانی، لە راگەیەندراوێکدا بڵاویکردەوە، لە مانگی ئازاردا لە كلینیكی چارەسەری نەخۆشییەكانی مەمك 468 نەخۆش سەردانیان كردووە، لەو ژمارەیە 160 نەخۆشیان نوێ بوون و راستەوخۆ سەردانیان كردووە و ئەوانی تر ئەو نەخۆشخانە بوون كە پێشتر سەردانی ئەو كلینیكەیان كردووە.
بەپێی راگەیەندراوەکە، لەماوەی مانگی رابردوودا لە كلینیكی چارەسەری نەخۆشییەكانی مەمك یەك حاڵەتی شێرپەنجەی مەمك تۆماركراوە و 77 نەخۆش بەهۆی بوونی ئازار و 25 نەخۆش بەهۆی بوونی گرێ سەردانیان كردووە، هەروەها 108 مامۆگرافی و 96 سۆنەریش ئەنجامدراون.
