دەستەی سەرپەرشتیاری بانگەشەی هەڵبژاردنی کۆمارییەکان کە سەرقاڵی کۆکردنەوەی دەنگن بۆ ئەوەی ترەمپ جارێکی دیکە بتوانێت کورسی سەرۆکایەتی ئەمریکا بەدەستبهێنێتەوە، رایانگەیاند، شەوی رابردوو لە ئاهەنگ و ئێوارەخوانێکدا ترەمپ توانیویەتی زیاتر لە 50.5 ملیۆن دۆلار لە فلۆریدا بەدەستبهێنێت.
ئەم بڕە پارەیەی ترەمپ بۆ بانگەشەکردن کۆیکردووەتەوە لە سەرمایەدارەکان بووە کە بەشداریی ئێوارەخوانەکەیان کردووە و گەورەترین بڕی پارەیە کە کۆی کردبێتەوە تاوەکو ئێستا لەبەرامبەر جۆ بایدنی سەرۆکی دیموکراتەکان.
بەشێک لەو پارانەی ترەمپ پێویستی پێیەتی بۆ بانگەشەکەی بۆ پارەدانی پارێزەرەکان و کەیسە یاساییەکانە کە دژی ترەمپ لە دادگاکان تۆمارکراون.
