وتەبێژی یەکێتیی نیشتمانیی کوردستان رایدەگەیەنێت، “دواخستنی هەڵبژاردن کارەساتە، سوورین لەسەر ئەوەی لە وادەی دیاریکراوی خۆیدا ئەنجامبدرێت”.
سەعدی ئەحمەد پیرە، وتەبێژی یەکێتیی نیشتمانیی کوردستان رایگەیاند، دواخستنی هەڵبژاردنی پەرلەمانی کوردستان کارەساتە، ئێمە سوورین لەسەر ئەوەی لە وادەی دیاریکراوی خۆیدا ئەنجامبدرێت.
ئاماژەی بەوەش کرد، بۆ ئارامیی زیاتری هەرێمی کوردستان و پێشکەوتنی خزمەتگوزارییەکان و سەرجەم بوارەکان و هەلی کاری زیاتر، پێویستە هەڵبژاردن ئەنجامبدرێت.
وتیشی، هەرگیز یەکێتی داوای دواخستنی هەڵبژاردنی نەکردووە و پێشتریش وتومانە سکاڵامان هەیە لەسەر یاسای هەڵبژاردن و ئەنجامی دادگای فیدراڵی هەرچییەک بێت رێزی دەگرین.
بڕیارە رۆژی 10ی حوزەیرانی 2024 ، پرۆسەی هەڵبژاردنی خولی شەشەمی پەرلەمانی کوردستان بەڕێوەبچێت، لایەنە سیاسییەکان کێبڕکێ لەسەر بەدەستهێنانی 100کورسیی پەرلەمان دەکەن.
