ئەندامێكی ئەنجومەنی نوێنەران هەڵوێستی حكومەتی عێراق لەبارەی ناردنی مووچەی مانگی سێی مووچەخۆرانی هەرێم بەر لە جەژن ئاشكرادەكات دەشڵێت، “بەو مەرجەی گرفت لە لیستی مووچەكەدا نەبێت بەر لە جەژن بەغداد مووچە دەنێرێت”.
غەریب ئەحمەد ئەندامی ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، حكومەتی عێراق مووچەی مانگی سێ دەنێرێت تا ئەو كاتەی مووچەی مووچەخۆرانی هەرێم بە بانكی دەكرێت و ناردنی پارەی تەرخانكراو بۆ مووچەی مووچەخۆرانی هەرێم بەردەوامدەبێت و بەرپرسانی حكومەتی عێراق ئەم زانیارییەیان بۆ ئەندامانی لیژنەی دارایی ئاشكراكردووە.
جەختیشیكردەوە، ئەگەر هیچ گرفتێك لە لیستی مووچەی مووچەخۆرانی هەرێمی كوردستاندا نەبێت مووچەی مانگی سێ بەر لە جەژن دەنێردرێت.
