ۆژی 21ی شوباتی هەموو ساڵێک بە رۆژی جیهانیی زمانی دایک لەلایەن نەتەوە یەکگرتووەکانەوە دیاریکراوە.
دیاریکردنی رۆژی جیهانیی زمانی دایک، بەمەبەستی پاراستنی زمانە و هەوڵە بۆ پاراستنی میراتی کولتووری و باشترکردنی پەروەردە و پەروەردەکردنی کۆمەڵگەیەکی ئارامتر.
رۆژی جیهانیی زمانی دایک کە سەرەتا لە لایەن یونسکۆوە راگەیەندرا و دواتر لەلایەن کۆمەڵەی گشتیی نەتەوە یەکگرتووەکانەوە پەسەند کرا، جەخت لەسەر رۆڵی زمانەکان دەکاتەوە لە پێشخستنی گشتگیری و گەیشتن بە ئامانجەکانی گەشەپێدانی بەردەوام.
پێویست ناکات بڵێین زمانەکان پێویستن بۆ پەروەردە و گەشەپێدانی بەردەوام، بەو پێیەی ئامرازی سەرەکیی گواستنەوەی زانست و پاراستنی کولتوورەکانن، بەڵام زۆرێک لەو هەشت هەزار و 324 زمانەی کە ئێستا لە جیهاندا قسەیان پێدەکرێت، بەهۆی جیهانگیری و گۆڕانکارییە کۆمەڵایەتییەکانەوە مەترسیی لەناوچوونیان لەسەرە.
پاڵپشتیکردنی سیستمەکانی پەروەردە بۆ دەستەبەرکردنی مافی فێربوون بە زمانی دایک زۆر گرنگە بۆ باشترکردنی دەرئەنجامەکانی خوێندن، هەروەها دەرکەوتووە کە ئەو خوێندکارانەی فێرکارییان بەو زمانە وەرگرتووە کە بە تەواوی لێی تێدەگەن، لێهاتوویی زیاتر لە تێگەیشتن و سەرقاڵبوون و بیرکردنەوەی رەخنەگرانەدا نیشاندەدەن.
پەروەردەی فرەزمانی، بە تایبەت بۆ زمانە کەمینەکان و رەسەنەکان، نەک تەنها یارمەتیی فێرخوازان دەدات، بەڵکو پەیوەندییەکی قووڵتر لە نێوان پەروەردە و کولتووردا پەروەردەدەکات و بەردی بناغەیە بۆ بەدەستهێنانی دەستڕاگەیشتنێکی یەکسان بە خوێندن و دەرفەتی فێربوونی تەواوی ژیان بۆ هەمووان.
