وەزیری خوێندنی باڵای هەرێم رایگەیاند، لە کۆبوونەوەی هەفتەی رابردووی ئەنجومەنی وەزیران پرسی دابەشکردنی مووچە نەخراوەتە دەنگدانەوە تا وەزیرەکان دەنگی پێبدەن یان رەتیبکەنەوە.
د. ئارام محەمەد قادر وەزیری خوێندنی باڵا و توێژینەوەی زانستی رایگەیاند، لەکۆبوونەوەی ئەنجومەنی وەزیراندا بەهیچ شێوەیەک دەنگمان نەداوە بە دابەشنەکردنی مووچەی فەرمانبەران و لە راستیدا ئەو بابەتە بە هیچ شێوەیەک نەخراوەتە دەنگدانەوە.
ئاماژەی بەوەشکرد، ئێمە لەگەڵ ئەوەداین مووچەخورانی هەرێمی کوردستان مووچەی خۆیان وەربگرن، بەڵام وردەکاریی تەکنیکی بابەتەکە زیاتر لە لای وەزارەتی داراییە و هەوڵەکانیش بەردەوامن بۆچارەسەرکردنی ئەو کێشەیە.
