ئاژانسی هەواڵی رۆیتەرز بڵاویکردەوە، گفتوگۆکانی عێراق و ئەمریکا لەبارەی کشانەوەی هێزەکانی هاوپەیمانیی نێودەوڵەتیی تا دوای هەڵبژاردنەکانی ئەمریکا کۆتاییان نایات.
ئاژانسەکە بڵاویکردووەتەوە، لە سەرەتای ئەمساڵەوە گفتوگۆکانی نێوان بەغداد و واشنتن بۆ پێداچوونەوە بە دۆسیەی مانەوەی هێزەکانی هاوپەیمانیی نێودەوڵەتیی لە عێراق دەستیانپێکردووە بەردەوامیش دەبێت تا دوای هەڵبژاردنە سەرۆکایەتییەکەی ئەمریکا.
بڕیارە هەڵبژاردنەکانی ئەمریکا لە مانگی تشرینی دووەمی ئەمساڵ بەڕێوەبچێت.
ماوەی زیاتر لە مانگێکە بەهۆی دەستپێکردنی گفتوگۆکانی هەردوولاوە هێرشی سەر هێزەکانی هاوپەیمانیی نێودەوڵەتیی وەستاون.
