دوای دوو سەدە لە بێلایەنی سەربازیی و دوو ساڵ لە دانوستان، ئەمڕۆ پێنجشەممە سوید بووە ئەندامی ژمارە 32 ی پەیمانی باکووری ئەتڵەسی (ناتۆ).
ئۆلف کریسترسۆن سەرۆک وەزیرانی سوید بڕیارە لە واشنتۆن لەلایەن ئەنتۆنی بلینکن وەزیری دەرەوەی ئەمریکا بەڵگەنامەی پەسەندکراوی بەئەندامبوونەکە وەربگرێت.
هاوکات بڕیارە رۆژی دووشەممەی داهاتوو لەبەردەم بینای ناتۆ لە برۆکسل ئاڵای سوید هەڵبکرێت.
لە دوای ساڵی 1814 و شەڕی لەگەڵ نەرویج سوید بەشداریی لە هیچ شەڕێکدا نەکردووە.
ساڵی رابردووش بە هەمان رێکار فینلاند بەئەندامبوونی لە رێکخراوەکە قبوڵکرا.
