هاتوچۆی سلێمانی چەند رێنماییەکی بۆ شۆفێریکردن لەکاتی بەفربارین بكڵاوکردەوە.
بەڕێوەبەرایەتیی گشتیی هاتوچۆی سلێمانی رایگەیاند، لە کەش و هەوای بەفرباریندا شۆفێری کردن بۆ دوو هێندە قورس دەبێت بۆیە لەسەر تۆی شۆفێر پێویستە کە بۆ سەلامەتی خۆت و کەسانی دەوروبەرت چەند رێنماییەک بە تەواوی جێبەجێبکەیت.
بەڕێوەبەرایەتییەکە رێنماییەکان بەچەند خاڵێک دەخاتەڕوو:
1. کەمکردنەوەی خێرایی بۆ رادەیەک کە توانای وەستاندنەوەی ئۆتۆمبێلەکەت هەبێت واتە لە ناو شارەکان خێرایی لە 30 بۆ 50 کیلۆمەتر لە کاتژمێرێکدا و نابێت زیاتر بێت، هەروەها بۆ دەرەوەی شارەکان لە 60 کیلۆمەتر یان کەمتر بەگوێرەی بارودۆخی شەقامەکە خێرایی کەم و زیاد دەکەیت.
2. پاراستنی ماوەی سەلامەتی لەنێوان ئۆتۆمبێلەکەی خۆت و ئۆتۆمبێلی بەردەمت، ئەم خاڵە گرنگییەکی زۆری هەیە، چونکە توانای وەستاندنەوەی ئۆتۆمبێل لە بەفرباریندا کەم دەکات بۆیە پێویستە ماوەیەکی دیاریکراوت هەبێت بۆ وەستاندنەوەی ئۆتۆمبێل.
3. ئیشکردنی رووناککەرەوە(گڵۆپ)ی نزم و رووناککەرەوەی تەم گرنگییەکی زۆری هەیە، چونکە بارینی بەفر و بوونی تەم رێژەی بینین کەم دەکەنەوە.
4. دڵنیابوون لەوەی کە ئۆتۆمبێلەکەت کەم و کوڕی نییە و پێویستە بەنزینی تەواو لە ئۆتۆمبێلەکەتدا بێت بۆکاتی پێویست و قەرەباڵغی.
5. بوونی بەتانییەک لە ناو ئۆتۆمبێلەکەت بۆکاتی پێویست.
6. نابێت شۆفێر بە شپرزەیی و لەناکاو ئیستۆپ بگرێت بەڵک و بەنەرمی و لەسەرخۆیی.
7. سەردان نەکردنی ناوچە شاخاوییەکان بەهیچ شێوەیەک بەمەبەستی گەشت و بەسەربردنی کات.
8. لەکاتی بوونی حاڵەتی نەخوازراو راستەوخۆ پەیوەندی بکرێت بەلایەنە پەیوەندیدارەکان.
هاتوچۆ 188
پۆلیسی فریاکەوتن 104
فریاگوزاری تەندروستی 122
بەرگریی شارستانی 115
