نەرمین مەعروف ئەندامی لیژنەی دارایی لە ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، لە كۆبوونەوەی ئەمشەوی لیژنەی داراییدا ماددەکانی 13 و 14 کە تایبەتن بە پشکی هەرێم و گەڕاندنەوەی پاشەکەوتی مووچەی فەرمانبەرانی هەرێم پەسەندكرا.
راشیگەیاند، بەپێی ئەو رەشنووسەی پەسەندكراوە داهاتی نەوتی فرۆشراو لە بانكی ناوەندیی عێراق دابنرێت و لەلایەن وەزیری دارایی عێراقەوە سەرۆك وەزیرانی هەرێم رابسپێرێت بۆ راكێشانی پارەكە و بەشێك لە ئەندامانی لیژنەكە تێبینییان لەسەر ئەو بڕگەیە هەبووە و پێیانبوو دەبێت سەرۆك وەزیرانی عێراق سەرۆكی حكومەتی هەرێم رابسپێرێت، بەڵام دواتر هەمان پێشنیازیش پەسەندكرا.
