ئەمڕۆ لەکاتی کارکردن لە یەکێک لە پرۆژەکانی نیشتەجێبوون لە شاری هەولێر کرێکارێک کەوتەخوارەوە و گیانیلەدەستدا.
بەپێی ئەو زانیارییانەی دەست تۆڕی میدیایی ئێستا کەوتووە، دواینیوەڕۆی ئەمڕۆ لەکاتی کارکردن لە باڵەخانەیەکی یەکێک لە پرۆژەکانی نیشتەجێبوون لە شەقامی 150 مەتری هەولێر کرێکارێک لە نهۆمی هەشتەمەوە کەوتووەتە خوارەوە و دەستبەجێ گیانیلەدەستداوە.
کرێکارەکە ناوی دیدەوان حەسەن_ە و هاوسەرگیری کردووە و باوکی دوو منداڵ بووە و لە کۆمەڵگەی شاوەیس نیشتەجێبووە، دوای تەواوکردنی رێکارە یاسایی و تەندروستییەکان تەرمەکەی رادەستی کەسوکارەکەی کراوەتەوە و بەخاکسپێردراوە.
لەسەرەتای ئەمساڵەوە، ئەمە سێیەمین کرێکارە لەکاتی کارکردندا لە شاری هەولێر گیانلەدەستبدات.
