نرخى ئارد زیاتر داده‌به‌زێت.. سەبەتەی سێیەمی بەشەخۆراکى هاوڵاتییان گه‌یشته‌ كۆگاكان

وه‌زاره‌تى بازرگانیى عێراق ڕایگه‌یاند، مادده‌كانى سه‌به‌ته‌ى سێیەمی بەشەخۆراک بۆ هاوڵاتییان گه‌یشتووه‌ته‌ کۆگاکانی هەڵگرتنی خۆراک لەسه‌رجه‌م پارێزگاكاندا به‌ هەرێمی کوردستانیشه‌وه‌ و به‌منزیكانه‌ دابه‌شده‌كرێن.

له‌ ڕاگه‌یه‌ندراوێكدا وه‌زاره‌تى بازرگانیى عێراق ئاماژه‌ى به‌وه‌كردووه‌‌، “ له‌سه‌ر ڕاسپارده‌ى د.عه‌لا جبوری وه‌زیری بازرگانى سه‌رجه‌م مادده‌كانى سەبەتەی سێیەمی بەشەخۆراک بۆ هاوڵاتییان گه‌یشتووه‌ته‌ کۆگاکانی هەڵگرتنی خۆراک لە سه‌رجه‌م پارێزگاكاندا به‌ هەرێمی کوردستانیشه‌وه‌”.

ئاشكراشیكردووه‌، به‌منزیكانه‌ دەست بە دابەشکردنی دەکرێت”.

هه‌ر به‌پێی ڕاگه‌یه‌ندراوه‌كه‌ى وه‌زاره‌تى بازرگانى له‌گه‌ڵ دابه‌شكردنى سبه‌ته‌ى سێیه‌مى به‌شه‌ خۆراكى هاوڵاتییاندا به‌شه‌ ئاردى ده‌یه‌م دابه‌ش ده‌كه‌ن تاوه‌كو نرخى ئارد له‌ بازاڕه‌كاندا زیاتر دابه‌زێت.

وه‌زاره‌ته‌كه‌ ڕوونیشیكردووه‌ته‌وه‌، بەشە خۆراکەکە پێکهاتووە لە (برنج، فاسۆلیا، ڕۆن، شەکر، نیسک، ئارد، نۆک و دۆشاو)”.

بابەتی پێشتر

فاوچی: گۆڕاوی ئۆمیکرۆن ‌ زۆر به‌ خێرایی ته‌شه‌نه‌ ده‌كات

بابەتی دواتر

بافڵ جەلال تاڵەبانی: میکانیزمێک دەدۆزینەوە بۆ چارەسەری کێشەی خوێندکاران

بابەتی پەیوەندیدار
Total
8
Share