دەستەی وەبەرهێنانی هەرێم راگرتنی مۆڵەتپێدانی پرۆژەکانی نیشتەجێبوونی راگەیاند.
دەستەی وەبەرهێنانی هەرێم لە راگەیەندراوێکدا بڵاویکردەوە، بەمەبەستی رێکخستنەوەی کەرتی نیشتەجێبوون لە هەرێمی کوردستان، بە ئاراستەی زیاتر سوودمەندبوونی هاوڵاتییانی کەمدەرامەت و کرێنشین، بە فەرمانی سەرۆکایەتیی ئەنجومەنی وەزیران، بڕیاردرا کارکردن لـە پرۆژەی نوێی نـیشتەجێبوون رابگـیرێت و مۆڵەتی نوێی وەبەرهـێنان لە کەرتی نـیشـتەجێـبوون نەدرێت.
لە راگەیەندراوەکەدا هاتووە، ئەمەش بەئامانجی وەبەرهـێنان لە ماوەی داهـاتوودا زیاتر بە ئاراستەی کەرتەکانی پیشەسازی، کشتوکاڵ، گەشـتوگوزار دەبێت.
ئاماژە بەوەش دەکات، هەربۆیە بە گشـتی داوا لە وەبـەرهـێنەرانی هەرێمی کوردستان دەکەین، یارمەتیدەر و هاوکار بن، تاوەکو وەبەرهـێنانی زیاتر لە سێکتەرەکانی ئاراستەکراو بکرێت، بە تـایبەت لەو ناوچانەی کەمگەشەسەندوون لەهەرێمی کوردستان.
