لەسەر رێگای هەولێر-دهۆك تانكەرێك خۆی بە حەوت ئۆتۆمبێلدا كێشا

لەسەر رێگای سەرەكیی هەولێر-دهۆك تانكەرێك خۆی بە حەوت ئۆتۆمبێلدا كێشا و زیانی گیانی و ماددی لێكەوتەوە.

نیوەڕۆی ئەمڕۆ تانکەرێکی گواستنەوەی سووتەمەنی لەسەر رێگای سەرەكیی هەولێر -دهۆك، نزیک ناحیەی رۆڤیا کۆنترۆڵی لەدەستدا و خۆی کێشا بە حەوت ئۆتۆمبێل و پێشانگایەکی کەلوپەلی ناوماڵدا.

بەپێی وتەی شایەتحاڵان بەهۆی رووداوەكەوە چەند كەسێك برینداربوون و زیانێکی زۆریش بەر ئۆتۆمبێل، دوکان و کەلوپەکان كەوتووە.