بەڕێوەبەری هاتوچۆی سلێمانی رایگەیاند، ئەو کامێرا جێگیرانەی دانراون لەسەر شەقامەکان سەرپێچی هەموو ئۆتۆمبێلێک بە بێسەرەتا و ژمارەی شارەکانی دیکەی عێراقیش تۆماردەکەن.
ئاسۆ محەمەد بەڕێوەبەری هاتوچۆی سلێمانی باسی لەوەشکرد، کێشەی ئۆتۆمبێلە بێسەرەتاکان کێشەی هەموو پارێزگاکانی عێراقە و دەبێت چارەسەر بکرێت.
راشیگەیاند، کامێراکان سەرپێچییەکانی ئۆتۆمبێلە بێسەرەتاکان و ئەو ئۆتۆمبێلانەش تۆماردەکەن کە ژمارەی شارەکانی دیکەی عێراقن، کارکردنیان بە هەر جۆرێکە هەر ئۆتۆمبێلێک لەسەر شەقام سەرپێچی بکات، تۆماردەکرێت بە هێزەکانی فریاکەوتن و هێزە ئەمنییەکانیشەوە.
لەبارەی لێخۆشبوونی 20٪ی قەرزی هاتوچۆ، رایگەیاند، تا 29ی شوبات هەر کەس قەرزی سزای هاتووچۆ ببات ئەوا بڕیارەکە دەیگرێتەوە و دوای ئەوە لێخۆشبوونەکە نامێنێت، بەڵام ناشکرێت بە دووبەرامبەر و ئەو بڕیارە کاری پێناکرێت.
