بەڕێوەبەرایەتیی بەرەنگاربوونەوەی توندوتیژی دژی ئافرەتان و خێزان لە هەولێر بڵاویکردەوە، ماوەی دوو رۆژە زیاد لە 10 هەژمارى فەیسبوک و سناپى ژنان لەلایەن پەیجێکی ساختەوە بەناوی “دەزگای خێرخوازی” دەستی بەسەرداگیراوە.
روونیشیکردەوە، پەیجەکە چاتت بۆ دەکات و دەڵێت ئێمە پارە یان مۆبایل دەکەینە خێر و کارتێکمان بۆ بنێرە بۆ ئەوەى ئێمەش لینەکەکەت بۆ بنێرین و خۆت تۆمار بکەیت.
کاتێک لینکەکە دەکەیتەوە و زانیاریی هەژمارەکەتی تێدا دەنووسی، ئەوان راستەوخۆ دەست بەسەر هەژمارەکەتدا دەگرن و هەژمارەکەت هاک دەکەن، بەڕێوەبەرایەتییەکە وا دەڵێت.
هۆشداریشدەدات و دەڵێت، پەیجەکە بە ناوى “بەبۆنەی مانگی رەمەزانی پیرۆز، 25 ملیۆن و 100 مۆبایلی جۆری ئایفۆن دەکەینە خێر” ئەو کارە دەکەن و، داوا لە هاوڵاتییان دەکات ئاگاداری ئەم پەیجە ساختانە بن “تا نەبنە قوربانی و بە هەزاران وێنە و ڤیدیۆی خۆت و خێزانەکەت نەچێتە دەستیان و هەڕەشەت لێبکەن”.
